Vaite da Lingua

 Este sábado 3 de maio tivo lugar no Centro Cívico de Canido o tradicional Certame, onde os rapaces e rapazas dos centros educativos de Canido mostran os traballos realizados e reciben un agasallo. Este acto é posible gracias á asociación Muiño do Vento e a nosa compañeira xubilada Carmen Cuesta, así como a todos os nenos e nenas participantes. O Certame enmárcase no conxunto de actos de celebración dos Maios no barrio.

 A pesares da suspensión das clases por mor do apagón e gracias á inestimable colaboración de Estefanía, Pipo e Pilar, hoxe a rapazada de 1 ESO puido cumplir coa tradición e colocar o maio na praza da Auga ou praza Fernando Miramontes. Mais imaxes no Diario de Ferrol

 Este venres 11 de abril, grazas á Coordinadora de Equipas de Dinamización Lingüística de Ferrolterra, o alumnado de segundo de ESO puido desfrutar do XXXII Festival da Mocidade coa Lingua. Tódolos anos con grupos locais de gran nivel e un estupendo broche final!

 O pasado venres 21 de marzo conmemorouse o día internacional da poesía e os alumnos de oratoria, baixo a coordinación da profesora Marcela Ríos, recitaron diferentes poemas, aquí vos deixo o vídeo Moitas grazas a todos e todas!

 Este 2025, declarado en Galiza "Ano de Castelao", homenaxeamos a Castelao cando se cumplen setenta e cinco anos do seu falecemento, entre outras actividades que faremos ao longo deste curso, o alumnado de segundo de bacharelato elaborou uns vídeos conmemorativos nos que empregaron a IA para facer posible que Castelao "nos adique unhas palabras"