Festa Fin Curso
Hoxe quixemos despedirnos compartindo unha merenda para agradecer a todo o noso alumnado a sua participación nos certames e concursos propostos dende o EDL durante todo o curso: Grazas rapaces! O vindeiro curso mais e mellor!
Recitado Carvalho Calero 2025
Un ano mais o alumnado do IES Canido participa na homenaxe que a equipa de coordinación de dinamización lingüística de Ferrolterra organiza en honor ao ilustre profesor e escritor ferrolá, no centro cultural do mesmo nome. Kawtar, Pedro, Lucía, Pablo, Julia, Aroa, Antonio, Unai, Alvaro, Matías, Leire, Inés, Daniela, Alejandro e Estrella , alumnos de oratoria, acompañados por Diego co saxofón, recitaron o poema de Xohana Torres “Penélope” e a continuación “Adiós ríos, adiós fontes” de Rosalía de Castro. Tal como eles dixeron, o primeiro, co seu último verso, “Eu tamén navegar”, convertido nun emblema da literatura feminista galega, inspirou tamén o lema da nosa biblioteca escolar: “Nós tamén navegar”. Os versos de Rosalía representan o desgarro do emigrante galego que, desgraciadamente segue estando presente nos nosos días. Estas son algunhas imaxes do recitado: E o vídeo: Grazas a todo o alumnado participante, así como a Marcela e a Clara pola sua colaboración!
Comentarios
Publicar un comentario